Testimonials

Hager Mostafa

Faculty of Science
Major microbiology 

اتعلمت كتير الحمد لله والله وفهمت حاجات كتير مكنتش فهماها واهم حاجه الأساسيات واني ازاي ابدا خطوه خطوه عشان اوصل لل انا عايزاه وبقيت بعمل كذا حاجه في نفس الفتره وأنظم وارتب وقتي وان فعلا اي حاجه مع الوقت هتيجي وهنوصل لها وأن المجهود مبيروحش واي مجهود بيوصلنا للاحسن حتي ولو كنا شايفين عكس كده بس حاجه بتوصلنا لحاجه وكل خطوه بدايه لل بعدها
اكتشفت مهاره جديده فيا مكنتش اعرفها قبل كده وازاي أطور منها وبدأت بالفعل 
عرفت ازاي اظبط لينكد أن بروفايل وازاي اجيب 
الوظائف من عليه 

I'm so grateful 🌹
شكرا جدا علي المساعده وربنا يجعله في ميزان حسنات حضرتك
نعمه كبيره اوي أن ربنا يحط الإنسان في طريق الناس عشان
يساعدهم فالناس تدعيله وتفتكره بالخير
شكرا علي المساعده والآثر الكويس ال حضرتك
بتبنيه جوا الناس ال بتساعدهم
 

Mariam Salama

Microbiology - faculty of science

فهمت مصطلحات مهمة جدا خاصة بسوق العمل 
اتعلمت ازاي أختار المهنة المناسبة لي (دي حاجة مهمة علشان ممكن افكر ان فيه فرص ضاعت مني 
(بينما هي ماكانتش مناسبة من الأساس)
كمان ازاي احط معايير للمهنة اللي بسعى لها؛ معايير تناسب شخصي وظروف حياتي
ازاي ابحث عن وظيفة بطريقة صحيحة
ازاي اجهز سي ڤي بروفشنال
اتعلمت حتى من زمايلي ومن أفكارهم
أنا تقريبا شفت جانب كدا من العالم ما كنتش اعرف عنه حاحة خالص
فالحمد لله ان هدانا للاشتراك في التدريب دا

انصح الخريجين يشتركوا في التدريب طبعا
ويشاركوا دايما بأفكارهم في المناقشات ويلتزموا جدا بال
assignments

Afnan Ashraf

Fresh gradute -
Biotechnology
faculty of agriculture Cairo university 

أولاً بشكر حضرتك جدا علي المجهود الرائع ده وعلي المحتوي المنظم الممتع جدا الحقيقه
محستش ابدا بملل ولا حسيت بالوقت تقريبا
.. المشاركه الايجابيه وسعت مداركي جدا
إستمتعت جدا جدا بالخرائط الذهنيه مع ان اول مره احول كلام لخريطه اول مرة اعمل خريطه ذهنيه واكتشفت انها فكره ممتازه وقريبه جدا للدماغ
خصوصا ان بنسي بسرعه جدا بنسي بشكل مزعج. فده ساعدني ان الشكل الل رسمته امبارح لسه فاكراه بكل تفاصيله
" فنقطه ممتازه بالنسبالي
.
اجمل حاجه انه مختلف مش مجرد باور باخده أثناء المحاضره وبيخلص مع انتهاءها زي كلام التنميه البشريه وانت تقدر والكلام ده
لا استفاده حقيقيه

أنصح أي حد اتخرج من كليه علميه
انهم ميضيعوش فرصه زي دي لانه سيستم محكم جدا ومرتب ومفيد ما شاء الله هيساعدهم من التخلص بشكل كبير من التشتت والحيره الل بتواجه الكل

Omar El-Geddawy

Engineer

“التدريب كان جميل ومثمر ومفيد جدا بالنسبالي، في كذا حاجة كنت بسمع عنهم لأول مرة،
ترتيب العناصر كان منطقي جدا وكل واحد بيبنى على اللي قبله وبيكمل الصورة معاه
نقطة المناقشات في الأنشطة اللي عملناها كانت مفيدة جدا وزودت الاستفادة لكل واحد من أنه يسمع أفكار بقية الناس -اللي كانت ممتازة جدا
”

Hager Saad

Fresh Graduate
كليه زراعه قسم إنتاج داجني

“أستفدت جدا حسيت إنه نقاش واعي وإني شخص كبير وإن اللقاء بينا كان فيه كلام رايح جاي وكل واحد بيعبر عن عقليته دي حاجه جميله بشكل عام كلام حضرتك كويس جدا معانا وطريقتك جميله ومتأكده إن لما نخلص هنكون مدركين احنا حابين نكون فين بجد”

Heba Ashraf

Faculty of science / zoology department 

أفادني ف حاجات كتير بدأت احدد نقاط ضعفي وقوتي سواء ف حياتي الشخصيه او العمليه وعرفت ازي احول نقاط ضعفي لقوه 
بدأت اضع خطط محدده علشان أحق هدفي بمنتهي السهوله 
والفضل يرجع ف ده ل ربنا ثم دكتور احمد بشكر حضرتك جدا ي دكتور ع مجهودك
معانا
من المهم جدا حضور التدريب لانه هيفيدك كتير ف بدايه حياتك العمليه  

Amira Abdallah

Fresh Graduate
كليه العلوم جامعه الزقازيق

“كان غير توقعاتي خالص لاني حضرت حجات كتير ع الزوم لا الموضوع النهارده كان مختلف جدا ومشاء الله شيق ومش ممل.”